[A:41b]mdzad cing / shis pa lhag par skyong ba'i dga' ston rgya chen po dang bcas pa bsgrubs/ gsung gi rten la thog mar nyid rang gigis gsan sbyong mdzad pa'i gzhung rnams gser las bzhengs pa dang / thams cad mkhyen pa nyid kyi bka' 'bum shog skyar bzhengs pa dang bcas pas bstan 'gyur gras kyi po ti bcu/ de rjes shes rab kyi pha rol tu phyin [C:342]pa rgyas 'bring bsdus pa gsum dang / rgyud sde dang mdo sde sogs gtso gang che ba 'ga' zhig dang bcas pa'i gser chos pod chen sum cu so grangs tsam dang / thugs kyi rten la 'bum mo che bzhengs/ dus kyi mchod pa zla ba byung ngo cog gi tshes bcu bzhi la tshogs su mang ja dang / dus chen bzang po bsam gyis mi khyab pa dang bcas pa phyag sbal nyid nas rgyun mi chad bar gtong ba sogs rje'i dgongs pa chos kyi dbyings su bskang [B:79] bar mdzad/ nyid kyi thugs dam du dngul gar blugs kyi sgrol dkar rtse 'khrukhru gang pa rgya mtsho'i dbus su pad sdong la bzhugs pa sogs gzo khyad kyis 'phags shing / g.yu 'phra bsam gyis mi khyab pas brgyan pa dang / lam 'bras brgyud pa yong su tshang ba'i gser sku khru tshad ma 'di bzheng par brtsams te/ phro'phro can rnams sku'i dbon po chos rgyal mtshan pa la bka' gnang nas bsgrubs/ gzhan yang 'jigs byed lha khang dang / mgon khang phyi nang sogs na 'bur sku logs bris dang bcas pa bsam gyis mi khyab pa bzhugs pa la/ lo chen bsod rnams rgya mtsho'i sde'i phyag las bdar te/ mda'i bla bres sogs spyan gzigs kyi bkod pa sna tshogs pas mdzes par byas pa rnams dang / lam 'bras lha khang gis thog drangs logs bris ya mtshan can rnams dang / thugs dam thang sku ngo mtshar can dpag tu med pa rnams dang mnyes thang