[A:43b]rgyu'i byin brlabs rab tu gnas pa zhus te/ nyin par ri mo bris shing / mtshan mo'i cha la sku drung nyid du bzhugs su gsol nas grub rjes rab tu gnas pa'i cho ga drung nyid du zhus/ sku ji srid 'tsho'i ring la nyin re bzhin phyag nas lan bdun bdun zhus pas/ sku dngos su bzhugs pa dang khyad med pa'i snga bas byin brlabs can gsung byon mar grags pa'i bris sku 'di grub cing / sku khams mnyel ba'i skad cha de dwags por gsan nas 'brug mdar mo byas dus/ gser gyi rdo rje sked par chag//g.yer po cho yi mo la ngan/ /nyi zla sa yi 'og tu lhung/ /zer ba'i mo babs pas/ sku rim la grum lung gi ser sogs chen mo lan gnyis dang / dgon gsar du mang ja 'gyed bcas lan mang po dang / mtshanabarjod/ sgrol ma/ shes snying / tshe mdo/ gtor ma ste 'bum gter lnga dang / rgyas 'bring bsdus gsum me mar la 'degs pa'i klog grwa bzhi'i rgyun gsungs pa/ mkha' 'gro chos skyong gi skang gso dang / gzhan yang mdos gtor bsam gyis mi khyab pa sogs sku rim rgya chen po 'brug mda' nyid du bsgrubs nas/ dge bshes 'od zer dpal bzang sku khams bskong ba dang / thugs dam sku rim sogs la thugs rtsol zhu ba'i snyan bskul 'bul bar zhabs drung du sleb pa'i tshe bka' lung la/ dge sbyong bsod bkras "nged la brtse dungs che bas rim gro byas pa dang snyan bskul 'di bzhin [C:347]bkur ba rjes su yi rang / na ning nas da lo'i bar du tshe bsring ba 'di yang rten gsum 'phro can rnams kyi zhabs rtog bya phyir grwa bu slob yon bdag dad 'dus rnams la phan du re bsdad pa yin/ kun 'byung gis bskyed pa'i rnam smin gyi phung po 'di ji srid yod gyi ring la phyi nang gi 'tshe [B:83] ba'i gnas su gyur pas/ nad pa'i lus yun ring na 'khor g.yog