[A:62]gsungs pas ci ster zer/ gser sbyin bzlas pas/ nam ster zer/ gar zad pa dang ster/ ci tsam ster/ kar sha pa ni stong gi rin ster bzlas pas DoM bhi rnams dga' nas/ gar sna tshogs byas/ mi thams cad dga'/ nyi ma rgas la khad pas gser blang zer/ do nub mi mthong sang snga dro sbyin bzlas pas/ DoM bhi rnams yid ma ches pa la/ khyim bdag na re/ rnal 'byor pa rdzun mi smra/ nga yi bar du bsdad/ rnal 'byor pa dpon g.yog la nga yis 'tsho ba drang / sang nyi ma gros pa la len du shog bzlas pas yid ches de ltar byas/ sang 'ded du phyin pas/ chu khar 'deng ngo mang po sbyin gyis gsung ngo / /chu la sdigs mdzub sgreng nas gar gyis/ bla byin gyis gsung nas chu bo gyen la zlog pa'i bye 'dam gyi nang nas/ gser snyim pa gang blang nas DoM bhi rnams la sbyin/ chu sngon ltar 'jam por 'bab/ de'i tshe na'ang glu blangs so/ /DoM bhi gzhon nu gcig gi zhabs spyi bor blang nas/ rjes su 'brang bar zhus gnang nas/ phyag phyir 'breng pa ni DoM bhi he ru ka'o/ /ganggA lan gsum zlog pa'i grags pas sa gsum khyab/ sangs rgyas pa rnams dga' zhing brod/ bdud dang mu stegs rnams skrag cing dngangs par gyur to/ /
lho phyogs bhi me sa ra zhes pa na dbang phyug chen po'i rten rdo nag po las 'khrungs pa'i lingga 'dom bco brgyad pa sbom phra'ang de tsam pa zhal bzhi pa gcig yod pa'i shar tshangs pa'i zhal gyi mdun du gtsang sbra chos su smra ba rnams khrus byas/ ku sha sna lag tu gtsug zhi ba'i sbyin sreg byed/ byang dbang phyug chen po'i zhal gyi mdun du 'dod chags