[A:63]chos su smra ba rnams 'khrig pa gcod/ lan gsum gyi rjes la bha ga nas nya phyis kyis sa bon blangs nas 'thor/ nub khyab 'jug gi zhal gyi mdun du 'tshe ba chos su smra ba rnams bya ra ma he la sogs pa rnams gsod/ khrag 'thor/ lho 'jigs byed chen po'i zhal gyi mdun du dka' thub dang gtong phod chos su smra ba rnams mi lnga sten tri shu la'i steng du phyogs/ bsad cing mgo bsdus la yan lag lnga btags/ sdom thag stong ste rang gi lus srog gi mchod pa 'bul lo/ /de'i yon bdag rgyal po na lendra pa ti war ma'i mnga' ris thams cad mu stegs pa yin pas rgyal po'i drung du song ste/ saM kri ta'i skad du rgyal po de la bstod ra dpag tu med pa btang bas kho shin tu mgu ste/ kho'i bla mchod mu stegs ral pa can lnga brgya yod pa'i dpon du slob dpon skos/ nag po pa la man ngag bstan nas bsgom du bcug DoM bhi he ru ka la rgyud la zin thun mdzad de blo gnas skyong ba dang rtog dpyod stong du bcug slob dpon gyis thugs dam bskongs shing brgyad stong pa'i po ti gcig la me tog gi phreng ba btags/ spos dang mar me phul phyag 'tshal shing mu stegs kyi rten la phyag ma byas pas/ ral pa can rnams kyis rgyal po la 'di sangs rgyas pa yin pa 'dra/ dbang phyug gi rten la phyag mi 'tshal bzlas pas/ legs par sbyar ba'i skad shin tu mkhas pa ral pa can lnga brgya'i dpon dbang phyug gi rten la phyag mi 'tshal ba mi srid/ khyed rnams phrag dog byed pa yin gsungs/ tshig de yang yang bsnyad pas/ lo gsum 'das pa na rgyal po byon