[A:64]nas/ 'o skol yon mchod dbang phyug gi rten la mchod pa chen po 'bul ba yin pas/ thams cad rten gyi drung du byon cig byas pas slob dpon ma byon/ nan gyis bos pas byung ste/ sngon du po ti de bzhin bzhag nas de la mchod pa dang phyag byed/ 'di na rig byed yod pa yin nam byas pas/ brgyad stong pa yod zer/ rgyal pos rten la phyag tshol byas pas/ 'di yis nga yi phyag mi theg gsungs/ srid pa gsum na kho bas che ba med/ phyag theg gis tshol bzlas pa/ slob dpon bzhengs te ral pa can rnams la rten 'di yis nga'i phyag mi theg gi rgyal po la gros thob bzlas pas/ khong rnams na re/ rgyal po dbang po ches stag tshang du wa bsos/ wa'i phyag seng ges ma theg dogs kyis tshol zer/ slob dpon la rgyal po gdug pa can pa dang / ral pa can rmongs pa rnams kyis phyag mi 'tshal ba'i dbang ma byung bas/ 'jig rten pa'i lha chen po bzhi bzod pa khyer cig gsungs nas/ thal mo g.yas pa spyi bor bzung te na mo buddha ya zhes brjod pas/ shar tshangs pa'i zhal phye mar gas/ phyogs bzung zhing dpral bar bzung nas/ na mo dharmA yas byang dbang phyug gas/ mgrin par bzung nas na mo saM gha yas nub dbang phyug gas/ snying khar bzung nas na mo gu ru bhye/ zhes pas lho 'jigs byed gas te/ rten tshal pa bzhi ru gas nas phyogs bzhir 'gyel bas/ rgyal po dang ral pa can brgyal/ brgyal ba sangs nas yon mchod thams cad kyis slob dpon gyi zhabs la phyag 'tshal nas/ nged yon mchod 'bangs ris dang bcas pa rnams kyang rjes su 'dzin