[A:6a]nas/ rang yul 'khor ba'i khyim thab dang 'dra ba'i pha yul bdud kyi btson ra las legs par 'thon nas/ dbus gtsang dag pa'i zhing du nye bar byon te/ rang gi yab gyur 'jam dbyangs chos kyi rgyal po nyid la mdo sngags kun gyi bka' lung gis thugs rgyud yongs su gang bar rjes su dgongs pa'i lhag bsam mchog gis/ zhabs kyi pad mo mchog la nye bar gtugs te/ thos pa rgya mtsho'i gling du nye bar zhugs par gyur to/ bstan rtsa legs gsungs 'dul ba'i sgor zhugs shing / bstan 'dzin mkhas grub du ma'i zhabs pad bsten/ bstan la dgongs nas rang yul nyer spangs te/ bstan pa'i 'byung gnas mchog tu nye bar chas/ pha yul bdud kyi rgya las ring grol ba'i/ blo ldan skyes bu nam du'ang bde bar gnas/ bdud las dang du len pa'i rmongs pa'i tshogs/ 'bad de 'khor ba'i khang bur nye bar 'jug gang la bsten na mi dge 'phel ba'i grogs/ tshe 'di'i pha ma nye 'dun nyid yin kyang / phan sems bdud du 'bab pa'i chos pa 'ga'/