[A:7a]sde snod gsum dang 'brel ba'i bka' dang bka'i dgongs 'grel rmad du byung ba'i don rnams su dus kun tu nye bar mnos pa yang 'di lta ste/ rgya chen thos pa'i khur gyis mi ngal ba'i/ rmad byung bsam pa'i bang mdzod lta na sdug bka' dang bka' yi dgongs 'grel ji snyed pa/ ma lus khyod blos yongs su bzung bar nges/ 'phags mchog rnam gnyis shing rta chen po'i srol/ ma 'dres rang gzhung tshugs bar nges bkral zhing / gzhan zer dbyings su len las phyir phyogs pa'i/ phyis byung gtam gyis ma bsgribs sal ler mkhyen/ tshad ma sde bdun 'dul mngon logs pa/ mdor na tha snyad chos kyi gtsug lag par/ lan cig ma yin rnams grangs mang por yang / shin du zhib mo'i blo yis rnam par phye/ yab rje 'jam pa'i dbyangs kyi rjes slob pa/ thugs mdzod ma lus dgongs pa'i gsang ba mkhan/ gang gsung gtsug tu len pa'i gdung shugs can/ sku gsung thugs kyi rgyal tshab gcig gyur nyid/ gzhan yang dbang bskur rdo rje phreng ba dkyil 'or bzhi bcu