[A:9b]gnas las mtshan du gsol ba de nyid la/ bde mchog dril bu pa'i skor dang / rnam sras rigs gsum/ dpal mgon zhal bzhi pa/ ye shes mgon po phyag drug pa 'or bcas/ rdo rje dbyangs can la sogs legs par gsan zhing / chos dang zang zing gis bka' drin gyis legs par bskyangs gsung / mtshan nyid kyi sgo nas chos rnams shangs ston rig pa'i ral gri nyid las spyad cing / mi g.yo ba dkar po'i rjes gnang / tshe dpag med grub pa'i rgyal mo'i tshe dbang sogs gsan/ tshogs gsog sogs kyi lan 'debs dus kyang de rang la tha na go kha'i me yog tshun legs par sbyor ba'i bka' drin shin tu che ba yin pas gsung thugs nye tshul dang bcas pa'i mchod yar mdzad pa yang mthong ngo / dpal ldan sa skya ba'i gdung brgyud bdag chen bsod nams rgyal mtshan pa la yang mi g.yo ba sngon po'i rjes gnang tshogs pa spyid dang lhan cig gsan gsung / de yang gtso bor yab rje chos kyi rgyal po 'jam pa'i dbyangs dpal shAkya'i mtshan can nyid mnyes pa rnam grangs du ma'i sgo nas legs par bsgrubs te/