[A:10a]chos 'khor chen mo mdzad dus kyi ring gzhung gi 'bel ba'i sgo 'byed pa'i gzhi ma yang rje 'di nyid kyis legs par mdzad la/ de lo bsnyen par rdzogs pa'i dngos po bla na med pa yab rje chos kyi rgyal po nyid la zhus te 'dul ba 'dzin pa kun gyi mchog 'phags pa nye ba 'khor lta bur gyur to/ de ltar paN chen chos kyi rgyal po gyur pa'i sngar smos pa dag dang / phyis rgyal ba'i gdung 'tshob 'jam dbyangs kun dga' rgyal mtshan/
sems pa chen po bsod nams rgyal mtshan/
grub chen kun dga' bkra shis rnams las/ yab gyur chos rje'i bka' 'bum gtso bor gyur pa'i gsang sngags nang gi gnad mchog dam pa rjes su gdams pa mtha' dag legs par gsan no/ gzhan yang sangs rgyas dbon sras shakya rgyal mtshan pa la yang de nyid kyis mdzad pa'i yab rje paNDi ta chen po'i rnam thar pad ma dkar po'i phreng ba sogs kyi lung 'ga' gsan no/ de nas 'dzam gling bstan pa'i bdag po 'jam pa'i dbyangs nyid dgung lo brgyad cu'i mthar son pa na/ byang phyogs sham bha la'i yul rigs ldan chos kyi rgyal po'i bdun par nye bar phyon te/