[A:15b]ma li'i phreng / phyogs kyi blo gsal mig gi dpal du shar/ zhes so/ de ltar gang gis mdzad pa'i gsung rab ji snyed yod pa dag kyang / snga ma nas rjod byed kyi tshig la brkus pa'i rang gi rnam dpyod bzang po'i rtsom sngon chad ma thos pa'i ngo mtshar can dang / brjod bya'i don snga ma kun kyang ma tshang ba med cing de dag tu dpyis ma phyin pa'i gnad kyi don zab mo sngon chad mkhas pa'i mkhas par grags pa dag gi'ang yid yul du ma gyur pa'i dka' ba'i gnas/ rnam par bkrol ba mthong tshe gzur gnas skyes bu kun rang dbang med par dad pa'i rlabs rgyas par mdzad pa'i tshig 'bru bzang po don zab pa rgyal ba'i bka' dri ma med pa dang 'dra bar gyur pa dag dang / gzhan gsung la zin bris su bgyis pa'i blo gsal du ma'i re ba skong ba'i gnas su gyur pa mtha' yas mod kyi/ de dag gi mtshan gyi rnam grangs ni rgyas par brjod par ma spobs so/ de dag la 'di skad ces/ gang gi gsung gi bdud rtsi 'o ma'i rgyun/ skal ldan