[A:21b]mang du byung zhes gleng la/ bdag pa mnga' ris phyogs kyi bu slob rnams la ni/ gdung tsha'i nang nas kyang ring bsrel dpag med rdol te byon to/ de lta bas na yongs rdzogs bstan pa'i bdag po'i rnam par thar pa'i cha shas cung zad spel ba las mdor bsdus pa'i tshul gyis thams cad bstan zin te/ de ltar rje btsun bla ma mchog 'di ni/ sangs rgyas nyid dang tha dad med pa'i phyir/ rnam thar mtha' yas bdag 'dras ga la spobs/ 'on kyang mos blos cung zad bsdebs pa la/ 'gal ba'i tshogs kun brtse bas bzod par dgongs/ kye ma khyod nyid bstan pa spyir
gshegs
shing / sgos su gdul bya rnams la nye bar gshegs/ yang sgos bdag ni mgon po khyod bral bas/ skyabs med bdag blo gting nas yid re skyo/ skyabs bral phyogs 'dir sleb tshe yab rje gshegs/ yab rje bzhugs tshe las kyi rlung gis bdas/ gang la bsams kyang tshugs pa'i skabs med na/ mi mngon dbyings nas thugs rjes nye bar