[A:༡༥ན]དགུ། ལས་དང་པོ་དང་ཐུན་མོང་དུ་ལོགས་སུ་བཞུགས་ཀྱང་རུང་བའི་ཆོས་སྣ་བདུན་དང་བཅས་པ་ལེགས་པར་ཐོས། མན་ངག་ཕྲ་མོའི་རྐང་གྲངས་ལོགས་སུ་བསྒྲིགས་པ་མཚན་པོ་ཏི་སྨྲ་བསྡུས་སུ་གྲགས་པ་ཐོབ་པའི་རྣམ་གྲངས་ལ། ཐོག་མར་བླ་མ་ཚད་མའི་སྐབས་སུ། བླ་མ་བརྒྱུད་པའི་གསོལ་འདེབས་རྗེ་པས་མཛད་པ། དེའི་ཁ་སྐོང་ཤར་པས་མཛད་པ། ས་བིར་འཇམ་པའི་ལོ་རྒྱུས་རྗེ་པས་སྒ་ཐེང་ལ་གནང་བ། ཉམས་མྱོང་ཚད་མའི་སྐབས་སུ་གཞུང་ཇི་ལྟ་བ་བཞིན་དཀྲི་བའི་ཁྲིད་ཡིག་རྗེ་པས་གྲ་སྟོན་ལ་གནང་བ། སྨིན་བྱེད་ཀྱི་སྐབས་སུ་སངས་རྒྱས་སྤྱན་གྱི་རྣལ་འབྱོར་དང་། ཨཥྚའི་བཟླས་ལུང་ས་ཆེན་གྱིས་མཛད་པ། ཨཥྚའི་གཞི་བཤད་ས་པཎ་གྱིས་མཛད་པ། བདུད་རྩིའི་རིལ་བུའི་སྒྲུབ་ཐབས་འཕགས་པས་མཛད་པ། དབང་གི་རབ་དབྱེ་རྗེ་པའི་གསུང་ལས་ཞང་བཙུན་གྱིས་བྲིས་པ། རྗེ་པས་སྒ་སྟོན་ལ་སྤྲིངས་པ། ཕྱི་ནང་གསང་གསུམ་གྱི་མཎྜལ་ས་པཎ་གྱིས་མཛད་པ། དེའི་ཁ་སྐོང་ཤར་ཆེན་གྱིས་མཛད་པ། ལུས་སྦྱོང་ཉི་ཤུ་པ་ནོར་བཟང་གིས་མཛད་པ། ལུས་གནད་གྱི་མན་ངག་དམར་གྱིས་མཛད་པ། བདག་མེད་མའི་བྱིན་རླབས་རྗེ་པས་མཛད་པ། གཏུམ་མོ་འཁོར་ལོ་བཞི་པ། གཏུམ་མོའི་དམིགས་པ་ཉེར་དགུ། གེགས་སེལ་གསང་བདུན་མ། བར་ཆད་གསུམ་སེལ། བཀའ་རྒྱ་མ། ཉམས་ཆེ་ཆུང་། གླེང་གཞི་མ། རླུང་རེངས་ལྔ་བཅོས་པ་སོགས། འབྱུང་བ་ལུས་འཁྲུགས་སོགས་སེལ་བ། གེགས་སེལ་གྱི་ཡི་གེ་བཞིའི་གསལ་བྱེད་རྣམས་ས་ཆེན་གྱི་གསུང་བགྲོས་ཡི་གེ་རྙིང་པ། འཕྲིན་ལས་སོ་གཉིས་ཀྱི་སྡོམ་ཚིག་དང་དེའི་ཞལ་ཤེས་