[A:14b]lam 'bras glegs bam zhes mtshan du grags pa 'di'i nang na bzhugs pa'i rnam grangs la/ rdo rje'i tshig gi rnam 'grel gnyag ma dang / /gsal byed kun gzhi rgyu rgyud gdan sogs dang / /lus dkyil 'chi bslu bum dbang 'da' kha ma/ /thig le'i rnal 'byor phyag rgya'i mtshan nyid dang / /bzhi pa'i 'da' kha bar do'i gdams ngag dang / /lam dbang tshad ma bzhi dang gdams ngag drug /rten 'brel lnga dang grib sel yig chung gnyis/ /thig le bsrung ba yig brgya'i 'don thabs dang / /rlung sbyor bha ga'i yi ge 'khor bzhi'i rgya/ /dbang phyug don brgyad sa phyed mngon rtogs dang / /don bsdus ma ste nyi shu rtsa bzhi ni/ /bstan bcos nyid kyi steng du bshad bya 'o/ /de dag las 'phros gud du gsungs pa'i chos/ /'khor 'das dbyer med dbang bzhi'i man ngag gnad/ /mchog dbang bskur tshul bskyed rim bsdus pa dang / /ril bu'i sgrub thabs yum gyi byin rlabs dang / /gegs sel bzhi dang dbang chu sgrub thabs gsum/ /rtsa ltung 'khrul spong tshogs 'khor sbyin sreg ste/ /rtsa ba las 'phros chos sna bcu bdun las/ /phyi ma bdun po logs su bzhugs kyang rung / /'bring bsdus lam gnyis gzhung shing chen mo bzhi/ /rtogs bskyed chos lnga lam zab bla ma rnams/ /nyams myong tshad ma'i chos sna nyer dgu yin/ /lung gi tshad ma lung sbyor rnam pa bzhi/ /bla ma tshad ma rgya bod rnam thar gnyis/ /man ngag phra mor bcas pa drug cu 'o/ /zhes pa ltar glegs bam dkar chag tu thebs pa'i chos sna drug bcu las/ glegs bam 'dir cis kyang bzhugs dgos pa'i chos sna zhe