[A:17b]dbang / 'dren mchog rgyal ba lha mchog seng ge rje dkon mchog lhun grub/ spyan snga dkon mchog rgya mtsho/ rgyal ba mus pa chen po sangs rgyas rgyal mtshan/ des bdag sa skya pa ngag dbang kun dga' bsod nams la'o/ ! /yang lam 'bras pa yongs la ma grags pa'i brda chig brgyud thun mong ma yin pa'i brgyud pa ni/ sems dpa' chen po yan chad gong dang 'dra ba las/ de nas rje zha lu ba sangs rgyas dpal bzang / rje dpal ldan rgyal po/ rje bzang po dpal ba/ paN chen nam mkha' dbang phyug rje chos dbang phyug rje mus chen buddha'i mtshan can/ des bdag sa skya pa ngag dbang kun dga' bsod nams la bsam gtan phu'i sgrub khang du ljags thog nas shin tu smin par gnang ste/ man ngag 'di nyid rje sems dpa' chen po yan chad snyan brgyud 'ba' zhig tu bzhugs pa la/ chos rje zha lu ba'i zin tho cung zad tsam ma gtogs yig cha gzhan med pas blo la 'jags pa rang gal che'o zhes gsungs shing nan tan du mdzad pa bzhin/ dus phyis bdag gis snyan brgyud nub dogs rje'i gsung bzhin bkod pa'i yi ge zhig kyang byas yod do/ ! /sgrub pa lung sbyin nyams len man ngag dang bcas pa'i brgyud pa ni/ ngor chen/ kun dbang / 'dren mchog sa lo tsA ba/ dkon mchog lhun grub man 'dra/ ! /yang na 'dren mchog rgyal ba lha mchog seng ge man 'dra/ ! /yang na rgyal tshab kun dbang / kun mkhyen/ rje sangs rgyas rin chen/ sa lo 'jam pa'i rdo rje/ rje dkon mchog lhun grub man 'dra/ de rnams ni ring brgyud kyi skor ro/ ! /nye