[A:22a]bstims te mnyam bzhag skyong / /de rjes dge ba bsngo ba rnams bya zhes/ /bla ma'i gsung de brjed dogs bris pa yin/ /snang gsum skabs su khog phub bshad pa mdzad/ /sngags lam tshugs nas rtsa ltung rgyas par 'chad/ /de yang bla ma'i phyag len bris pa lags/ /rgyud gsum tshugs nas lag len byed dgos la/ /bsgrub pa'i maNDal bsham zhing rang nyid kyi/ /mdun du maNDal 'bul yul rnams bsam la/ /maNDal mang du phul rjes rang la bstim/ /der rjes rdor sems sgom bzlas de yi rjes/ /bla ma'i rnal 'byor byed cing 'khor 'das khrid/ /tshugs nas bla ma kye rdor dbyer med pa/ /spyi bor bsgoms nas de nyid snyoms 'jug gis/ /zhu nas rang la bstims te lta ba'i mchog /'khor 'das dbyer med bsgom pa yin no zhes/ /bla mas gsungs pa de bzhin bris pa'o/ /sngags lam tshugs nas slob ma kun 'dus te/ /rgyun du maNDal so bdun ma re dang / /thos rgya ma re phyag len la mdzad do/ /rgyu dbang gnang ba'i skabs der 'jug pa'i dus/ /nang bsrung bdud rtsi ster dang rig pa yi/ /dbang lnga'i mchod pa sogs la nyer mchod lnga'i/ /mjug tu shapta byed pa mus pa che/ /dkon mchog rgyal mtshan phyag len yin no zhes/ /bdag gi bla ma gsungs shing mdzad kyin 'dug /skabs der dgos pa'i skur byed nam mkha' yi/ /dkyil 'khor bsgom tshul dmigs pa 'di lta ste/ /pho brang yod med gang ltar lha rnams kyi/ /dbus su gar bu de yis dbus nyid dang / /phyogs bzhir yo ga nas bshad rigs lnga dang / /mtshams