[A:22b]bzhir yum bzhi lha rnams phyogs bzhi ru/ /sras chen brgyad dang de mtha' khro bo dang / /mchod pa'i lha mo bsgom pa yin no zhes/ /bla mas gsungs de brjed dogs bris pa yin/ /gsol gdab dus su rigs lnga kyai rdo rje/ /zhal brgyad bcu drug phyag can du gyur bsgom/ 'di yang gsung rgyun yin no// ! //lam dbang gnang skabs phyag len 'di lta ste/ /thog mar rten dang mchod gtor legs bshams nas/ /gnas yo byin rlabs dbang chu mdzes rgyan bzhin/ /byas la de nas lam dus nyams blangs te/ /dkyil 'khor bsdus rjes rnam rgyal bum pa bsgrub/ /bsgrub tshul dbang chu mdzes rgyan ji bzhin las/ /skabs 'dir las bum med phyir de der ro/ /de nas skur byed nam mkha'i dkyil 'khor gyi/ /lha tshogs snying kha'i 'od kyis spyan drangs te/ /dbang bskur dkyil 'khor gtso bo bla ma dang / /tha dad med pa'i sku lus de nyid la/ /gdan gsum tshang bar mos te maNDal phul/ /gsol gdab rgyun bshags sdom bzung byas rjes su/ /mig dar 'ching tshul me tog lag len cing / /bgegs bsang dri ba dri lan sems bskyed bsgom/ /bsgoms pa de nyid brtan par byas pa'i rjes/ /gsang bar gdams la hU~M dzaHhU~M zhes pa'i/ /'jug pa bya zhing dam bzhag rnam bzhi bya/ /de nas byin rlabs rim lnga zhu ba yis/ /maNDal gsol 'debs byas rjes byin rlabs kyi/ /rim pa lnga bya tiShThas brtan par bya/ /me tog 'bul tshul mgor bzhag mig gi dar/ /bsal tshul byas la sku dkyil mthong bar bsam/ /de nas dngos gzhi chos yon maNDal phul/ /gsol btab