[A:23a]byur bsal de nas rig pa yi/ /dbang lnga nas brtsams dbang bzhi rdzogs kyi bar/ /lam dus bzhin bya 'on kyang dbang gi rdzas/ /bum chu 'thung dang dbu rgyan gyon pa dang / /rdor dril lag tu 'dzin rnams lam dus kyi/ /dus der bsgom bya yin mod skabs 'dir ni/ /dngos su byed la dbang rnams rdzogs pa dang / /chos skyong rnams la gtor 'bul byas pa'i rjes/ /bskangs pa rgyas bsdus gang yang rung ba dang / /bstod pa byas rjes rdo glu bkra shis dang / /smon lam de yis sangs rgyas myur thob shog /ces pa'i bar bya de nas slob ma rnams/ /khrus byas gral la 'khod de dbang bskur bya/ /rigs lnga'i dbang dang rdo rje brtul zhugs dbang / /rdo rje slob dpon dbang rnams slob ma yi/ /phyi nang gnyis ka'i rten la bskur ba yi/ /gsang dbang de dang 'dra la sher dbang ni/ /phyi yi rten dang nang gi 'khor lo lnga'i/ /gtso bo rnams la bskur gyi gzhan la min/ /lam dbang bskur ba'i skabs der skur byed kyi/ /dkyil 'khor slob dpon dbang gi rjes su bstim/ /nyams len dus su dbang bzhi rdzogs par mnos/ /rig pa'i dbang lnga'i dbang rdzas bum pa'i chu/ /ster dang dbu rgyan 'ching dang rdor dril gnyis/ /lag tu gtad dang ming dbang bskur ba dang / /brtul zhugs dbang gi dbang rdzas rdo rje de/ /gtod dang slob dpon dbang dus rdo rje dang / /dril bu sbyin dang chu yi dbang bskur ba/ /rnam sogs de dag mdzad po skur byed kyi/ /dkyil 'khor nyid kyi gtso bo'i thugs kha nas/ /zhal gcig phyag gnyis ldan pa'i he ru ka /byon par