[A:25b]bla ma kye rdo rjer/ /mos pa mdzod ces slob dpon gyis/ /brda sbyar de nas slob ma yis/ bla mas /lag tu brda don gsal ba'i rdo/ /gtad la byin rlobs de bstan bya/ /de nas rgyas bshad rtsa tshig gis/ /'bru gnyer sogs bya de'i rjes su/ /byin rlabs rjes kyi bya ba ni/ /slob ma rnams la gtang rag gi /maNDal 'bul sogs mdzod cig ces/ /brjod la byed 'jug de grub nas/ /slob ma slog la bla ma yis/ /rjes chog ma nor legs par bya/ /'di lta'i lag len rim pa 'di/ /bla ma'i phyag len brjed dogs bris/ ! /sgrub pa lung sbyin gnang skabs phyag len ni/ /zlum gtor lnga gsum gang rigs nyer spyod lnga/ /chu bzhi dang bcas bsham la bla ma yis/ /lam dus blang zhing chos skyong la sogs la/ /gtor bsngo de nas slob ma rnams bsdus la/ /bla mas bshad pa rgyas bsdus ci rigs bya/ /de nas slob mar chos yon maNDal dang / /gang drin sogs kyi gsol 'debs byed 'jug go /de rjes rten 'brel sgrig dang bar chad bsal/ /gzhan don bya ba mthu dang ldan pa'i lung / /sbyin pa rnams la slob mas gsol 'debs dang / /bla mas brjod dgos rnams bya de'i rjes su/ /dam bzhag rnam pa bzhi po slob dpon gyis/ /bya 'o dus der phan yon dang nyes dmigs/ /gnyis ka dam bzhag la dgos bum chu de/ /sgrub pa'i lung sbyin 'di nyid gnang skabs kyi/ /dus su sgrub pa'am yang na de gong du/ /sgrub pa'i chu lhag yod na des rung ngo / /dam bzhag grub nas bla mas de sba zhing / /dam du spel zhes sogs kyi bshad pa bya/ /de nas slob ma gtang rag