[A:30a]'jam pa'i rdo rje/ rje dkon mchog lhun grub man 'dra/ yang na mus chen sems dpa' chen po'i rjes su/ zha lu ba sangs rgyas dpal bzang / mnga' ris pa dpal ldan rgyal po/ rje bzang po dpal ba/ paN chen nam mkha' dbang phyug rje chos dbang phyug rdo rje 'chang sangs rgyas rgyal mtshan/ des bdag la'o/ /de rnams kyi nye brgyud ni/ rdo rje 'chang / rdo rje rnal 'byor ma/ grub chen nA ro pa man gong bzhin no/ /nA ro pas mdzad pa'i sgrub thabs gong ma'i mchan dang bcas pa/ sgrub thabs rnal 'byor bcu gcig ma/ phyi mchod mdor bsdus/ mkha' spyod kyi sgrub thabs/ byin rlabs kyi cho ga tshes bcu'i mchod pa/ tshogs 'khor/ sbyin sreg mar me'i sbyin sreg pra se na dbab pa/ gnod sbyin mo bsgrub pa'i man ngag sogs dang / sman chen po'i bcud len rnams rje sa skya pa chen pos mdzad pa/ chos rgyal 'phags pas mdzad pa'i sgrub thabs gnyis/ bdag 'jug tshogs 'khor/ sbyin sreg rnams dang / sgrub thabs dang / bstod pa bla ma rdo rje 'chang gis mdzad pa/ rtsa dbu ma'i khrid yig rje btsun chen pos mdzad pa/ kun mkhyen gyis mdzad pa'i mkha' spyod sgo 'byed/ rje bzang po dpal ba dang / rje nyid kyis mdzad pa'i bskyed rdzogs kyi rnam bshad kyi lung dmigs pa'i zab gnad du ma dang bcas pa thos shing / yang nA ro mkha' spyod kyi zab chos kyi nying khu mkha' spyod bsgrub pa'i nye lam gyi gtso bo thun mong ma yin pa'i bsam mi khyab kyi man ngag zab mo sa skya pa'i gser chos kyi yang snying de nyid thob pa'i