[A:32a]rnams/ /zhes nas 'dod pa kun 'grub shog /ces pa'i bar bya de grub nas/ /gtor mgron gshegs gsol de nas ni/ /sems bskyed gsal btab sogs byas la/ /khrid dang lung gi thun byed do/ /bla mas gtor 'bul mdzad skabs su/ /slob ma rnams kyis maNDal 'bul/ /de lta'i lag len gsal ba 'di/ /bde mchog nag po'i khrid chen nyid/ /gnang dus bla ma'i phyag len de/ /brjed de 'jigs nas 'di bris so/ /rim bzhi gnang skabs phyag len ni/ /gong du bshad pa de dang 'dra/ ! /lU hi lugs kyi bde mchog gi /khrid gnang dus kyi phyag len ni/ /gzhan rnams nag po pa bzhin las/ /srung 'khor lU hi pa rang gi /sgrub thabs bzhin du bsgom pa yin/ ! /dril bu lugs kyi bskyed rdzogs kyi/ /khrid 'chad dus kyi phyag len ni/ /gzhan rnams nag po pa dang 'dra/ /srung 'khor lU hi lugs bzhin mdzad/ /de lta'i lag len rim de dag /bla ma'i phyag len zin pa yis/ /lugs byas don gnyis bsgrub phyir bris/ ! /dpyid thig skabs kyi ma ning gi /yi ge bzhi ni r-i r-i dang / /l-i l-i la zer yin no zhes/ /bdag la bka' drin mnyam med pa'i/ /rje btsun mus pa chen pos gsungs/ /gsung de brjed dogs 'dir bris lags/ ! /yang chos kyi rje byang chub kyi sems rdo rje de nyid kyi drung du/ rgyud kyi rgyal po dpal gsang ba 'dus pa'i brjod don thams cad gcig tu 'dus pa'i rim lnga'i khrid zab mo 'gos lugs su grags pa/ rje rdo rje 'chang dang / kun mkhyen gyis mdzad pa'i khrid yig zung 'jug gsal