[A:33a]gong dang 'dra/ rje rdo rje 'chang dang / kun mkhyen gyis mdzad pa'i khrid yig zung 'jug gsal ba yang thos so/ ! /dpal gsang ba 'dus pa 'phags lugs kyi bskyed rim gyi bshad pa rgya gzhung rnams dang / paN chen gung ru sogs kyis mdzad pa'i rnam bshad mang po'i steng nas/ rje rdo rje 'chang gi sgrub thabs dngos grub rgya mtsho dang sbyar ba shin tu rgyas pa thob pa'i brgyud pa ni/ rdo rje 'chang / rdo rje chos/ ye shes kyi mkha' 'gro ma/ rgya gar lho phyogs kyi o Di sha'i rgyal po bi su kalpa/ bram ze sgra gcan 'dzin bzang po/ rgyal pas lung bstan dge slong dpal ldan/ de la slob ma mchog bzhi ste/ shAkya bshes gnyen/ 'phags pa lha/ klu'i byang chub/ zla ba grags pa/ de bzhis slob pa'i rdo rje la/ des nag po spyod pa la/ des dri med blo gros/ sa 'dres pa chen po/ des paN chen birWa bha dra/ de wa a ka ra tsaNDa/ ratna a ka ra shanti/ dpal sbas/ mar me mdzad de lnga las/ rje rin po che 'gos kyis shan ti pa dang / dpal sbas gnyis ma gtogs/ sa 'dres pa'i slob ma gsum/ rgya gar shar phyogs na rgyal po sprin gyi shugs can/ rdo rje gdan gyi nag po pa/ kha che khri brtan gyi tsaNDa ha ri/ bal po rdzong gi nA ga ko Ti/ bal po mthil gyi tsa hung / sa ra ha pa rnams la zhus pa las/ 'di paNDi ta mngon shes can/ btsun mo can/ nag po pa gsum gyi lugs gtso che'o/ /rje 'gos la slob ma rgyud kyi ka ba tshugs pa bzhi/ man ngag gi gdung theg pa brgyad/ las tshogs dang 'phrin las la mkhas pa lcam dang dral ma