[A:20b]grub chen dpal ldan bkra shis/ sngags 'chang chos kyi rgyal po/ grub mchog bsod nams dbang po/ des bdag la'o/ /rje btsun mi g.yo ba dkar po'i rjes gnang / sgrub thabs kun las btus kyi chings sbyar ba zhig kyang nos so/ ! /lung gi skor la/ thog mar rgyud rgya gzhung sgrub dkyil sogs rgya bod kyi gsung rab thor bu ba du ma'i lung thob pa'i rnam grangs la/ kyai rdo rje rtsa brgyud brtag gnyis 'phags mchan dang bcas pa'i bshad lung / kyai rdo rje'i bstod pa nyi shu pa slob dpon mtsho skyes kyis mdzad pa/ daNDa ka rje pas mdzad pa/ rje rdo rje 'chang gis mdzad pa'i kun rig gzhan phan mtha' yas/ cha gsum gtor ma'i cho ga gur drag gi 'phrin gzhung rgya dkar shes rab rgyal mtshan gyis mdzad pa/ rje dkon mchog lhun grub kyis mdzad pa'i kyai rdo rje'i mngon rtogs/ lus dkyil dbang chu rnams kyi mdzes rgyan/ gur gyi mgon po'i bskang gso nag po mchod rten dam pa kun dga' grags kyis mdzad pa/ lha mo'i spyan 'dren de wi ko tra ma bdag chen blo gros pas mdzad pa/ bskang gso chos nyid ma dam pas mdzad pa/ sku dang gsung thugs ma bla ma mal gyis mdzad pa/ gtum chen ma rje sa chen gyis mdzad pa/ gdong bzhi pa'i bskang gso lha mchog ma bla ma gnyan lo tsA bas mdzad pa/ stobs 'phrog dang / las mkhan gyi bskang gso che ba bdag chen rgya dkar bas mdzad pa/ lha mo'i bskang gso chung ba gzhan yang ma dang / las mgon gyi bskang gso chung ba dam pa'i mdos bskangs nas bsdus pa/ dkar bdud kyi bskang gso che ba bdag chen rgya dkar