[A:53b]sbyar ba'i steng / rje nyid kyis mdzad pa'i sa bcad mkhas pa'i rna rgyan/ rnam bshad blo gsal mgrin pa'i dpal yon/ spyi don legs bshad nor bu'i phreng mdzes rnams kyis gsal byed kyi rgyan du mdzad nas gsung bshad rgyas shing dka' gnas kyi mtha' chod pa dang / de las 'phros nas snyan ngag gi bstan bcos me long gi gzhung la mkhas pa snga ma rnams kyis mdzad pa'i 'grel pa so so las brtsams te dogs slong gi dri ba dang / de'i rang lan rje nyid kyis mdzad pa'i bstan bcos khyad par can snyan ngag me long las brtsams pa'i dri ba dbyangs can mgrin pa'i nga ro'i rang lan dbyangs gsum rnam gzhag skal bzang bcud thigs zhes bya ba'i steng nas bshad pa zhib tu thos pa'i brgyud pa ni/ sa skya paNDi ta/ 'phags pa rin po che/ zhang dkon mchog dpal/ brag phug pa/ bsod nams dpal/ bla ma don yod rgyal mtshan/ slob dpon 'dul 'dzin/ chos rje byang seng ba/ shar chen ye shes rgyal mtshan/ rdo rje 'chang kun dga' bzang po/ rgyal tshab kun dga' dbang phyug yongs 'dzin dkon mchog 'phel/ sa lo 'jam pa'i rdo rje/ yongs 'dzin dkon mchog lhun grub/ thar rtse nas nam mkha' dpal bzang / brtse gdong bdag chen kun dga' bsod nams lhun grub/ mkhan chen thams cad mkhyen pa ngag dbang chos grags/ des bdag sa skya pa ngag dbang kun dga' bsod nams la'o/ ! /rgyas pa'i bstan bcos tshad ma rnam 'grel la spyi don/ Tikka kun mkhyen rin po che'i rjes 'brangs dang bcas pas mdzad pa'i yig cha so so dang / khyad par chos rje sa