[A:58b]par thos so/ /gnyan gyis mdzad pa 'dir yong ba yang sngar gyi rgyu mtshan dang mtshungs/ rje mus srad pa'i gsung las/ mu tig phreng ba 'di gnyan gyis mdzad zer yang brtag dgos gsungs shing / khong rang sa chen gyis mdzad par bzhed/ de ltar na 'di'i dbu phyogs na brgyud pa smos skabs/ rdo rje 'chang nas bla ma mal lo tsA ba la brgyud tshul gyi bar gsungs pa'i rjes su/ des bdag nyid kyi bla ma rtsod pa'i dus su rdo rje theg pa ston pa rnams kyi nang nas gtsug gi nor bu lta bur gyur pa las stod 'bro yi yul du sku 'khrungs pa/ mtshan brjod par dka' ba'i bdag nyid chen po la bshad do zhes gsungs pa 'di bla ma sa skya pa chen po yin nam min/ yin na 'di sa skya chen gyis ma mdzad pa gzhir bzhag la/ min na sa chen gyi bla ma gang la ngos 'dzin/ pu hrang lo chung dang / su ma ti kirti ni 'khrungs yul gyi stabs kyis min pas/ sngar smos pa de ni sa chen nyid yin par shes par bya'o/ /bka' bum nang gi chos sna'i grangs lnga bcu nga bzhi yod/ 'ga' zhig gis sum cu rtsa lnga zhes pa'ang bshad/ ! /gzhan sde'i mun pa 'joms mdzad mi thub zla/ /dge legs bsod nams shar ri'i rtser 'phags pa/ /mkhyen rab dpal mo'i bdud rtsi 'od dkar can/ /dpal ldan rtse mo'i zhabs kyis bdag cag skyongs/ /zhes pa'i bstod yul dam par gyur pa slob dpon rin po che bsod nams rtse mo'i gsung rab rnams thos pa'i chos kyi rnam grangs la/ bla ma sa skya pa chen po la bstod pa tshangs dbang ma shlau ka bco lnga yod pa/ yang brgyud pa dang bcas pa'i bstod pa gang thugs ma/ phya pa