[A:62a]ba yang 'dug skabs 'gar bla ma rje btsun pa'i gdams pa'o zer ba yang 'dug pas rje btsun gyi gsung rgyun la bu chen zhig gis zin bris byas pa yang 'dra/ des na rje btsun gyis mdzad pa de gzhan zhig yod par sems/ gang ltar glegs bam gsum na bzhugs pa'i chos sna'i grangs la brgya dang sum cu so bdun yod/ mkhyen rab rin po che'i rnam thar na brgya dang drug cu yod par bshad/ lam 'bras skor la po ti gcig logs su bzhugs pa dang bcas pas rje btsun gyi gsung 'bum po ti bzhi'o/ /de ltar dkar po rnam gsum gyi bka' 'bum dang / lung rgyun phyogs gcig tu bsdebs pa dang po nas med kyang dus phyis bla ma dpal ldan seng ge ba'i thugs dgongs rdzogs phyir du chos kyi rje dpal ldan bla ma dam pa'i bkas bskul te 'khon shes rab rdo rjes lung rgyun su yod la zhus te dar rgyas su mdzad cing / de dag gi brgyud pa ni/ mkhan chen shes rdor bas bla ma so so la gsan pa las/ mkhan chen rgyal ba bzang po/ mkhan chen byang chub seng ge shar pa ye shes rgyal mtshan/ rje rdo rje 'chang / rgyal tshab kun dbang ba/ yongs 'dzin dkon mchog 'phel ba/ sa lo/ rje dkon mchog lhun grub/ rje shes rab rgyal mtshan/ rje nam mkha' dpal bzang pa/ 'jam dbyangs kun dga' bsod nams lhun grub/ mkhan chen thams cad mkhyen pa ngag dbang chos grags/ des bdag sa skya pa ngag dbang kun dga' bsod nams la'o/ /yang na 'dren mchog rje lha mchog seng ge rje dkon mchog lhun grub/ rje shar khang pa man