[A:26b]cho ga dgra bgegs gnad gcod kyi spu gri/ chos kyi rgyal po lha bcu gsum gyi bskyed chog dur khrod bdag po yab yum gyi gtor chog rdo rje phur pa'i srung ma dkar bdud lcam dral dang dam can gyi gtor chog dngos grub bsam 'phel rnams thos pa'i brgyud pa ni/ sa lo 'jam pa'i rdo rje/ sngags 'chang chos kyi rgyal po/ grub mchog bsod nams dbang po/ des bdag la'o/ /yang na sa lo chen po/ mkhas pa'i dbang po dkon mchog lhun grub/ sngags 'chang chos kyi rgyal po man 'dra/ ! /snyigs dus bstan pa'i gsal byed dam pa dpal sa skya pa chen po sngags 'chang ngag gi dbang po kun dga' rin chen bkra shis grags pa rgyal mtshan dpal bzang po pa'i gsung rab rnams kyi lung thos pa'i tshul ni/ skyes chen gang gi ngo mtshar rnam thar cha/ /gang la bsams kyang dpyod ldan yid 'phrog pa'i/ /snyigs dus bstan pa'i nyi ma sngags 'chang rje/ /ngag dbang kun dga' rin chen rgyal gyur cig /ces pa'i bstod yul dam par gyur pa snyigs dus kyi rgyal ba gnyis pa sngags 'chang ngag gi dbang po kun dga' rin chen gyis mdzad pa'i gsung rab dri ma med pa rnams/ de'i bka' 'bangs kyi brgyud 'dzin gyi grangs mar gtogs pa sa skya pa sngags 'chang ngag dbang kun dga' bsod nams bdag gis 'bad pa cher byas nas lung rgyun zhus shing phyogs gcig tu bsgrigs pa'i mtshan gyi rnam grangs la/ thog mar bka' 'bum po ti dang po la sa lo thams cad mkhyen pa la bstod pa rgyal ba'i mkhyen brtse ma/ rje dkon mchog lhun grub la bstod pa dkon mchog gdung