R365: chos kyi rje dpal ldan bla ma dam pa rnams las dam pa'i chos ji ltar thob pa'i tshul legs par bshad pa zab rgyas chos kun gsal ba'i nyin byed/ {bod yig glog rdul dpe cha/}
[A:19b]rim pa blo gsar dga' ba bskyed byed/ klu gtor gtong tshul gsal byed sgron me/ dkar bdud kyi bskang gso/ dmag zor rgyal mo'i bskang gso'i yi ge rnams bzhugs so/ /de rnams kyi brgyud pa ni/ snyigs dus rgyal ba'i bstan pa la rgyal ba gnyis pa ltar grags pa'i skyes chen dam pa dpal sa skya pa chen po sngags 'chang ngag gi dbang po kun dga' rin chen bkra shis grags pa rgyal mtshan dpal bzang po/ de'i thugs sras grub mchog bsod nams dbang po/ des bdag la'o/ /gsum 'bum de dag gi khrod nas grub thob brgyad cu'i rnam thar sogs dpe sna 'ga' re'i lung rgyun ni sngags 'chang nyid kyi dngos
kyi slob ma 'jun pa chos rje la thug pa spyan snga rin po che/
dang brgyud pa'i slob ma gzhan dag las kyang nos mod kyi 'dir brjod bde ba'i phyir gsung 'bum gyi dkar chag bzhin phyogs gcig tu bris pa yin no// ! //'jam mgon grub pa'i dpa' bo padma'i rnam 'phrul bsod nams dbang po'i zhal snga nas kyi gsung rab rnams kyi lung thob pa'i tshul ni/ mthu stobs dbang phyug padma 'byung gnas dang / /gang thugs ye shes ngo bo ro gcig pa'i/ /grub mchog ded dpon bsod nams dbang po'i zhabs/ /gus pas 'dud do brtse bas gzung du gsol/ /zhes pa'i bstod yul dam par gyur pa snyigs dus kyi grub pa'i dbang phyug mthu stobs kyi mnga' bdag chen po 'jam pa'i dbyangs byams pa dpal ngag dbang bsod nams dbang po grags pa rgyal mtshan dpal bzang po pa'i gsung rab rnams/ de'i slob bu'i tha chung sa skya pa ngag dbang kun dga' bsod nams kyis phyogs