[A:134]slob bu'i tha/ /
shAkya u pA sa ka nanda pu Na ma ma/shAkya'i dge bsnyen kun dga' bsod nams bdag /
pra sA da sma re na tsAkSha ba anydza mA ta/bka' drin dran pas mig zum thal sbyar nas/ /
shI ghra shI ghraM sa dAntA shtsa/myur ba myur bar dul ba dang bcas te/ /
mu hurmu hurmu mA mi tsa/yang dang yang du phyag ni 'tshal bar bgyi/ /
dzanma dzanma dA yA gr-ihNa/skye ba skye bar brtse bas rjes 'dzin mdzod/ /
artha artha ma bharatra tra taM/don de don du gnyer bya'i gtso bo lags/ /
sangs rgyas kun las rgyu mtshan du ma yis/ /bka' drin ches lhag yongs 'dzin mchog rnams las/ /zab dang rgya che'i chos tshul mnos pa rnams/ /snying por dril nas nyams su bla ba'i tshul/ /mdo rgyud lam gyi rim pa dang mthun par/ /rang dang rang gi rjes 'jug slob tshogs dang / /skal mnyam 'gro ba gzhan la'ang phan pa'i phyir/ /nyung ngus ngag gis brjod la bdag yid spro/ /gang du gnas na chos brgyad rnam rtog dang / /phyogs rig chags sdang ngang gis 'phel ba'i gzhi/ /grong khyer tshong 'dus pha yul la sogs pa/ /spangs te dgon gnas ri khrod dben pa bsten/ /der yang chos mthun 'tsho bas chog shes kyis/ /tshe 'di'i phun tshogs bsgrub pa'i blo dor nas/ /blo phugs bla ma dkon mchog la gtad de/ /rang gi sgo gsum bag yod spyod pa'i gnas/ /mi lus thob cing sangs rgyas bstan dang mjal/ /sgo gsum bkol btub rang dbang yod pa yi/ /'di 'dra'i dus su dam chos mi bsgrub na/ /chos byed dus shig nam yang rnyed mi 'gyur/ /dang po mngal du zhugs pa nas brtsams te/ /lo zla zhag dang za mas 'chi bar nye/ /de la bros kyang thar pa'i skabs med na/ /chos med shi na