[A:4a]thob pa 'di don yod par bya dgos pa las/ bdag cag gis yongs 'dzin dam pa rnams kyi zhabs kyi padmo la gtugs te dam pa'i chos kyi bdud rtsi ji ltar thos pa'i tshul mdo tsam zhig brjod na/ gang gi zhal gyi dkyil 'khor mthong tsam gyis/ /'gro kun dbang du bsdu ba'i mthu stobs can/ /padma 'byung gnas dus mthar dge slong tshul/ /grub mchog bsod nams dbang por snying nas 'dud/ /ces pa'i bstod yul dam par gyur pa bdag cag gi 'dren mchog /sa gsum gyi bla ma dpal sa skya pa chen po 'jam pa'i dbyangs byams pa dpal ngag dbang bsod nams dbang po grags pa rgyal mtshan dpal bzang po ba'i drung du/ rang lo bcu bzhir slebs pa 'phags pa'i yul na thun mong zhes grags pa lcags pho khyi'i lo dbo zla ba'i yar ngo'i gral tshes bcu bzhi'i nyin dpal sa skya'i dbu rtse rnying mar bstan pa'i rtsa ba so sor thar pa dge bsnyen dang dge tshul gyi sdom pa rnam par dag pa thob pa'i brgyud pa ni/ yang dag pa rdzogs pa'i sangs rgyas shAkya thub pa'i dbang po/ shI ri pu tra/
rgyal po'i khab shing thag can du 'khrungs pa/
sras sgra gcan 'dzin/grong khyer ser skyar/
bram ze sgra gcan 'dzin/rA Dar 'khrungs pa'i sa ra ha yin/
'phags pa klu sgrub/lho phyogs bai ta'i yul/
gu Na mi Ta/'dis dbu ma rtsa shes la 'grel pa mdzad/
rin chen bshes gnyen/lam 'bras kyi lo rgyus su dharmA mi trar bshad/
dpal ldan chos skyong /zla ba'i grong du 'khrungs pa'i bi ru pa yin/
gu Na pa ri/ chos kyi phreng ba/ 'byung gnas sbas pa/dran pa nyer bzhag phyis 'gyur gyi paNTi ta/
paNDi ta chen po shAkya shrI/kha che khri brtan gyi grong khyer sra lwa rang