[A:9b]bzang / yab rje sbas pa'i sangs rgyas/ des bdag la'o/ ! /gur gyi mgon po'i srung 'khor mdun gang ma dang / ser ba srung ba/ mdun gang ma 'phags pa'i srung 'khor gyi zhal shes rnams dang / mgon dkar gyi tshe khrid zab mo'i lung yang thos so/ ! /yang rje btsun thugs rje can de nyid kyi drung du sngags 'chang chen pos mdzad pa'i gur gyi mgon po khro bcu'i srung 'khor bar chad kun sel gyi lung dang / de'i dgongs don rnams ljags steng nas shin tu rgyas shing zhib par nos shing / yang dpal rdo rje nag po chen po gur gyi mgon po 'khor dang bcas pa mkha' 'gro sbags sgrub kyi tshul du sgrub pa'i bsnyen sgrub las gsum gyi man ngag nang khrid du grags pa 'jam sgrub rtsub sgrub zhar byung gi man ngag dang bcas pa'i khrid yig sngags 'chang chen pos mdzad pa'i gzhan phan rgyas byed kyi lung khrid thob pa'i brgyud pa ni/ rdo rje 'chang / bram ze mchog sred/ bde ba'i rdo rje/ shaddha ka ra warma/ lo chen rin chen bzang po/ brag steng pa/ mal lo tsA ba/ sa skya pa chen po/ slob dpon rtse mo/ rje btsun rin po che/ sa skya paNDi ta/ 'phags pa rin po che/ rgyal tsha lung mang po/ mkhas pa yon tan khri/ drin can seng ge bzang po/ bla ma dam pa bsod nams rgyal mtshan/ yar klung pa seng ge rgyal mtshan/ mkhan chen bsod nams rgyal mchog bdag chen nam mkha' rgyal mtshan/ bdag chen blo gros rgyal mtshan/ bla ma dam pa dpal ldan rgyal po/ 'jam dbyangs sangs rgyas rin chen/ spyan tshab pa tshul khrims bzang po/ 'phags chen dpal ldan bkra