[A:25b]'chang chen po'i gsung rgyun bzhin bkod pa/ bse 'bag nag po 'phur shes kyi lo rgyus snyan brgyud ma/ gur gyi mgon po'i las tshogs gtor ma la brten nas dgra bsad pa'i man ngag gi skabs su med thabs med pa'i man ngag dam pa/ gsung mgur bla ma rgyang 'bod/ dpal 'khor lo bde mchog nag po pa'i sbyin sreg gi ngag 'don dang phyag len gsal bar bkod pa las dang po pa la nye bar mkho ba dngos grub myur stsol/ rdo rje phur pa dang kyai rdor gyi sbyin sreg gi phyag len zhal shes mkhas pa'i yid 'phrog gsung ngag rin po che lam 'bras bu dang bcas pa'i khrid yig dang po'i blo can gyi rtogs par sla ba gsung rgyun gyi rim pa gsal ba/ dug srung zab mo/ rje rgyal ba mus pa chen po dang nged rang la lung bstan gyi tshul du gnang ba'i bka' shog tshan pa gsum/ nged rang sku mched la gnang ba'i gsang gtor byed tshul gyi yi ge dpal rdo rje gzhon nu'i sgrub thabs 'bring po gzhan phan bdud rtsi'i chu rgyun rnams bzhugs pa'i glegs bam yongs rdzogs kyi lung rnams nos so/ /'dir smras pa/ ku la asdyi lakShi de ba lya pantha nri hi kha raM/
rigs rus phun tshogs lha yi lam la gar mdzad cing /
/driShTa na saM to Sha ling ga nu pa la maNDa pa ri purNa/lta bas mi ngoms mtshan dpe'i dkyil 'khor yongs su rdzogs/
/aM bhu sa dznyA na da ma dra sha shaHru pa la nu ha ra/rmad byung mkhyen brtse'i ri bong gzugs kyis yid 'phrog pa/
/mantra tsantra kirti pra bha pi ta skandha dza ya/sngags 'chang zla ba grags pa'i 'od dkar phung po rgyal/
/gang gi zhal dkyil zla ba rgyas pa yi/ /utpal 'dab 'dra'i spyan gyi 'gro kun la/ /dal bur gzigs nas mdzes pa'i 'dzum zhal