[A:25a]paNDi ta/ 'phags pa rin po che/ dam pa kun dga' grags/ bla ma bdag nyid chen po/ dpal ldan bla ma dam pa bsod nams rgyal mtshan/ bla ma dpal ldan tshul khrims/ shar chen ye shes rgyal mtshan/ grub chen buddha shrI/ rdo rje 'chang kun dga' bzang po/ mkhas grub dpal ldan rdo rje/ byas 'gyur ba bsod nams seng ge bla ma rdo rje seng ge rje shes rab rgyal mtshan/ thar rtse nas nam mkha' dpal bzang / yab rje sbas pa'i sangs rgyas sngags 'chang grags pa blo gros/ /des bdag la'o/ /bka' drin mtshungs med sngags 'chang grags pa'i mtshan can nyid kyi gsung rab rnams thos pa'i tshul ni/ thams cad mkhyen pa bsod nams rgyal mtshan gyi/ /rnam par sprul pa sngags 'chang grags pa'i mtshan/ /gang gi gsung rab yid 'ong padma'i tshogs/ /lhan cig bzhugs pa'i rnam grangs 'di ltar ro/ /de la 'dir bka' drin gzhal du med pa'i sngags 'chang bla ma sbas pa'i sangs rgyas grags pa blo gros rgyal mtshan dpal bzang po de nyid kyi gsung rab dri ma med pa rnams mgon de'i slob bu'i tha shal za nyal 'chag gi rnal 'byor pa sngags 'chang ngag dbang kun dga' bsod nams kyis phyogs gcig tu bsgrigs pa'i mtshan gyi rnam grangs la thog mar sngags 'chang chen po la mtshan bstod kyi sgo nas gsol ba 'debs pa'i tshigs su bcad pa/ bar do'i gdams pa zab mo/ chos kyi rgyal po 'phags pa rin po che'i rnam thar 'ja' sa drug pa tshigs bcad du mdzad pa'i gsung rtsom 'phro can/ chos dung dkar po rgyang grags kyi lo rgyus sngags