[A:10a]/myos ldan sa yos lo 'khrungs buddha shrI/
de las drug gis gzhon pa/
/rnga chen chu byi lo 'khrungs rdo rje 'chang /de las zhe gsum gyis gzhon pa/
/rnam byung sa 'brug lo 'khrungs mus pa che/de las drug gis gzhon pa/
/khro bo shing glang lo 'khrungs dkon mchog 'phel/de las nga bdun gyis gzhon pa/
/dmar ser me sbrul lo 'khrungs lhun grub zhabs/ de las nga gnyis kyis gzhon pa/
/rab myos lcags rta lo 'khrungs dkon rgyal ba/de las lo bcu gsum gyis gzhon pa/
/dge byed chu stag lo 'khrungs buddha'i sangs rgyas rgyal mtshan/
mtshan/de las lo so gnyis kyis gzhon pa/
/gser 'phyang me bya lo skyes bdag la'o/de las lo nga bzhis gzhon pa/
/de ltar kyai rdo rje phyi rdul tshon gyi dkyil 'khor du thabs rgyud kyi thog ma rgyu dus kyi dbang bskur ba dang / nang zab mo lus kyi dkyil 'khor du thabs rgyud kyi gtso bo lam dus kyi dbang dang / rje btsun rdo rje bdag med ma'i lus dkyil gyi byin rlabs dang bcas pa'i brgyud pa ni/ brag phug pa yan chad gong dang 'dra ba las/ de la bla ma dam pa bsod nams rgyal mtshan dang / ri khrod pa blo gros brtan pa gnyis kyis gsan/ de gnyis ka la bla ma dpal ldan tshul khrims pa/ de nas grub chen buddha shrI/ bla ma rdo rje 'chang kun dga' bzang po man chad gong dang 'dra'o/ /yang na chos rje sa paN/ tshogs bsgom kun dga' dpal/ nyan chen bsod nams brtan pa/ brag phug pa bsod nams dpal man gong bzhin/ yang na nyan chen pa/ dkar po brag pa rin chen seng ge bla ma dpal ldan pa/ grub chen buddha shrI/ bla ma rdo rje 'chang / mus chen dkon mchog rgyal