[A:9b]nyid kyi drung du/ dpal kye rdo rje man ngag lugs kyi dkyil 'khor du dbang gi mngon par rtogs pa brgyad dang ldan pa'i sgo nas/ rgyud ma smin pa smin par byed pa rgyu dus kyi dbang bskur ba mtshan nyid dang ldan pa legs par thob pa'i brgyud pa ni/ thog mtha' med pa'i sangs rgyas rdo rje 'chang / /ma skyes mi 'gag shes rab bdag med ma/ /stobs bcu'i dbang phyug dpal mgon bi ru pa/
dmar ser me sbrul la bltams nas/ rnam byung 'brug la grub pa brnyes zer/
/rnal 'byor dbang phyug shar phyogs nag po pa/ /rten 'brel zab mo'i don gzigs DA ma ru/ /gzung 'dzin gnyis spangs a wa dhu ti pa/ /mkhas shing grub pa brnyes pa ratna shrI/ /sgra bsgyur rgyal po shAkya ye shes dang / /snyan brgyud gdams pa kun rig rje btsun se/ /zab don chos kyi snang ba 'bar ba'i mtshan/ /ang gir chu spre'i lo 'khrungs sa skya pa/bag yod ces pa chu mo glang gi lo dpal ldan sa skya btab nas lo bcu dgu 'das pa/
/rnga chen chu khyi lo 'khrungs rje btsun rje/yab nga bzhi pa/
/rab byung me yos 'khrungs pa grags pa'i zhabs/de las lngas gzhon pa/
/dge byed chu stag lo 'khrungs paNDi ta/de las sum cu rtsa lngas gzhon pa/
/myos byed shing lug lor 'khrungs 'phags pa'i zhabs/de las lnga bcu nga gsum gyis gzhon pa/
/kun ldan lcags byi lo 'khrungs zhang ston rje/de las lngas gzhon pa/
/dbang phyug me glang lo 'khrungs brag phug pa/de las so bdun gyis gzhon pa/
/yongs 'dzin chu byi lo 'khrungs 'gro mgon rje/de las so lngas gzhon pa/
/agni me 'brug la 'khrungs ri khrod pa/de las bzhis gzhon pa/
/dpal gdong chu bya lo 'khrungs dpal ldan pa/de las bcu bdun gyis gzhon pa/