[A:6a]bsod nams dpal/ sprul sku dbang phyug rdo rje/ spos khang pa 'jam dbyangs rin chen rgyal mtshan/ kun mkhyen dga' gdong pa chos rgyal dpal bzang / 'khrul zhig tshul khrims rgyal mtshan/ zhwa lu sku zhang mkhyen rab chos rje/ rje btsun rdo ring pa chen po/ rdo rje 'chang tshar pa chos rje/ 'jam dbyangs mkhyen brtse dbang phyug nyams dang rtogs pa'i mnga' bdag dbang phyug rab brtan/ des bdag sa skya pa ngag dbang kun dga' bsod nams la'o/ /de ltar phag mo zhal gnyis ma sogs la phag zhal dngos su yod pas rdo rje phag mor 'jog pa 'thad mod/ gzhan nA ro mkha' spyod sogs la phag zhal med pas phag mor 'jog pa ji ltar rigs snyam pa'i dogs pa dpyod ldan la 'byung la/ rang gi bsam tshod ni zhal gnyis ma rdo rje rnal 'byor ma thams cad kyi rtsa ba'i lha dang / gzhan 'dir bshad pa'i sangs rgyas mkha' 'gro ma dang / mai tri mkha' spyod/ nA ro mkha' spyod la sogs pa la phag zhal dngos su med kyang zhal gnyis pa rtsa bar byas nas de las gyes pa lta bu'i lha yin pas phag mor bzhag pa yin te/ sgrub thabs rnams kyi nang nas kyang zhal gnyis ma 'di thog mar 'byung zhing / rnal 'byor ma gzhan gyi sgrub thabs 'di'i rjes su 'byung ba yin no/ /de skad du rje btsun rin po che grags pa'i rnal 'byor byang seng gi dris las las/ rdo rje rnal 'byor ma thams cad kyi rtsa ba lta bur rgyal po indra bhu tis mdzad pa'i phag mo zhal gnyis ma'i sgrub thabs las zhes gsungs pas kyang shes nus so/ /mdor na phag mo gzhan rnams ni phag mo'i