[A:21a]grags pa'i skor la/ spu gri so 'debs kyi zhal gdams/ rang bsrung khra mo yid bzhin 'khor lo'i zhal gdams/ rten gyi zhal gdams/ gtor ma'i zhal gdams/ sngags kyi zhal gdams/ 'khor lo'i zhal gdams rnams thos/ 'di dag ni cha shas sam rkang grangs tsam yi ger bkod pa yin gyi/ thun mong ma yin pa'i gnad phal cher brgyud pa'i man ngag dang ldan pa'i bla ma'i snyan brgyud ltos pa kho nar snang bas man ngag dang bral ba dang lung med kyang dpe tsam la brten nas gzu lum du spyod pa rnams ni mun khung na mda' 'phen pa dang / byis pa gri khar rtse ba dang mtshungs pas shes ldan dag bag yod pa byos shig tshul de dag rnams gang las brgyud pa yin zhe na/ smras pa/ rdo rje 'chang dang klu sgrub mgon/ /ba liM ta pa ye shes zhabs/ /mar me mdzad dang dpal bde ba/ /sbas pa'i zhabs dang rin chen gnyis/ /rnal 'byor dbang mo lo chen gnyan/ /kha 'ub pa dang sa skya pa/ /rje btsun sku mched paNDi ta/ /blo gros rgyal mtshan dkon mchog dpal/ /brag phug pa dang bla ma rje/ /bla chen 'jam dbyangs nam mkha'i mtshan/ /bdag chen rdo rje 'chang dbang zhabs/ /mthu stobs dbang phyug kun spangs rje/ /gang des bka' 'bangs bdag la 'o/ /phyi yi man ngag phal cher ni/ /bla ma dam pa yar klung pa/ /bsod nams rgyal mchog 'jam dbyangs che/ /de nas gong bzhin brgyud kyang chog /phyi yi sgrub skor 'ga' zhig ni/ /chos rje bla ma dpal ldan pa/ /shar chen pa dang rdo rje 'chang / /bdag chen kun dga' dbang phyug