[A:21b]la/ /'khon ston mkhas grub ma tis gsan/ /yig chung 'ga' yi lung dag ni/ /bla chen bdag po zha lu ba/ /paN chen shAkya mchog ldan la/ /rje btsun chos rjes gsan pa 'o/ /bdag ni snyigs dus kha ba'i ljongs/ /ma rung rgyu ba'i khrod du lhung / /'on kyang sngon gyi las dbang gis/ /yongs 'dzin dam pa 'ga' dang mjal/ /khyad par zhing skyong nag po'i skor/ /mkhas grub dam pa bdun las thos/ /yang sgos drin can rdo rje 'chang / /kun spangs chen po'i zhabs pad bsten/ /dad gus gser gyi lde mig gis/ /zab don thugs kyi sgo phye nas/ /snyan brgyud bdud rtsi'i bum bzang gnang / /rnam dpyod snyim pas rab bzung ste/ /nan tan ro 'dzin gyis myang pas/ /nges shes snying gi dkyil du shar/ /phyogs gzhan smon pa'i re ba bral/ /e ma kho bo skal ba bzang / /zhes so/ /de ltar dpal mgon zhal bzhi pa'i man ngag gi chos sna'i rnam grangs rnams dang / de dag brgyud pa gang las 'ongs kyi tshigs su bcad pa de dag ni rje tshar chen gyis mdzad pa'i zhal bzhi pa'i man ngag gi dkar chag las ji ltar 'byung ba bzhin bkod pa yin la/ de nas rje blo gsal rgya mtsho'i rjes su/ thams cad mkhyen pa mkhyen brtse dbang phyug rdo rje 'chang dbang phyug rab brtan/ des bdag sa skya pa ngag dbang kun dga' bsod nams la'o/ ! /yang chos kyi rje de nyid kyi drung du/ tsa turmu kha'i man ngag gi chos skor gzhan yang thob pa la/ dpal mgon zhal bzhi pa'i sgrub thabs rdo 'bid srog gi spu gri dmar len zhes bya ba paNDi ta bho ta ris mdzad pa/ rje tshar chen gyis mdzad pa'i