[A:6b]yul ye rang gi paNDi ta dza ba ta a nanda bi dza bha dra/
skye dgu kun dga' 'tsho ba bzang po/
de'i sras/ paNDi ta mahA bo dhi/byang chub chen po/
des sa bzang 'phags pa ku ma ra ma ti/ bikShi a nanda bha dra rdo rje 'chang kun dga' bzang po/
man gong bzhin no/ /'di'i paNDi ta mahA bo dhi'i lo rgyus ni/ dza ba paNDi ta la sras yun ring du ma byung ba la/ rdo rje gdan du byang chub chen po la/ gsol ba 'debs su byon pas/ yum mngal dang ldan par gyur nas sras gcig bltams pas mtshan mahA bo dhir btags so/ /kr-i ya'i dbang rgyun 'di bod du ma 'gyur ba la/ dus phyis dpal ldan sa skyar 'jam dbyangs don yod rgyal mtshan pa'i phyag tu sa mutstsha'i rgya dpe zhig bal yul gyi tshong pa'i lag nas byung ba de kun spangs chos grags pa'i phyag tu byung / de nyid kyi bka'i mnyan pas bskul zhing mthun rkyen sbyar ba la brten nas/ br-i ka ma la shi la'i paNDi ta chen po manydzu shrI dang / bod kyi lo tsA ba sa bzang gzhon nu blo gros kyis bsgyur nas/ dbang lung gsan sa ma rnyed par yod pa'i tshe mnga' ris pa rdo rje dpal gyis ye rang du sa mu tstsha'i dbang zhus zer ba'i gtam gsan nas/ sa bzang 'phags pa dpon g.yog bdun gyis ye rang du byon nas paNDi ta ma hA bo dhi la dbang lung yongs su rdzogs par thob nas dar rgyas su mdzad pa'o/ ! /yang rje thams cad mkhyen pa de nyid kyi drung du/ gnyis med kyi rgyud las gsungs pa rje btsun sa skya pa la kyai rdo rje la bka' srol bzhi bzhugs pa'i thog mar kyai rdo rje Dombhi lugs kyi dbang thob pa'i brgyud pa ni/ rdo rje 'chang / bdag med ma/ birWa pa/ Dombhi he ru ka a la la