[A:15b]ba/ bir bsrung gsar ma rnams thos so/ /yang chos rje bla ma dam pas mdzad pa'i gzhung bshad man ngag gter mdzod/ rje mang thos klu sgrub rgya mtshos mdzad pa'i bir bsrung thun mong pa'i rgyun gyi nyams len gyi yi ge slob bshad brgyud pa gsum 'dus kyi gsol 'debs lam gyi rim pa'i smon lam dang bcas pa'i lung yang thos/ de'i skabs su nang bskyed rim gyi khrid kyi gong du lam dus kyi dbang bdag chen rdo rje 'chang gi yig cha'i steng nas gnang ba mdzad nas/ nang bskyed rim dang ma 'brel ba'i lam zab phyi mar grags pa dang / de las 'phros pa'i lam zab bla ma rin 'byung / nang bskyed rim dang 'brel ba'i lam zab nang ma ste lam zab bla ma'i rnal 'byor gyi byin rlabs kyi bka' gsum/ bir bsrung thun mong ba dang / thun mong ma yin pa'i byin rlabs kyi bka' gnyis/ gsang dbang gi lam gtum mo'i khrid kyi sngon du rje btsun rdo rje bdag med ma lha mo bco lnga'i byin rlabs kyi bka'/ 'di yum gyi lam dus kyi dbang yin gsungs nas thugs rtsis kyang che bar mdzad/ gzhan yang rnam 'joms bir lugs kyi byin rlabs bdag chen rdo rje 'chang gi yig cha'i steng nas gnang ba yang thos/ sher dbang gi khrid kyi sngon du rje btsun rdo rje rnal 'byor ma nA ro mkha' spyod kyi byin rlabs stsal nas/ 'di lam 'bras kyi cha lag min yang lam dus sogs sa skya pa'i chag med bzhi'i nang tshan yin pas lam 'bras dang 'brel bar bla ma gong ma dag gnang ba yin gsungs/ de dag gi skabs su zin thun la dbang chu'i rnam bshad rgyas pa/ sngags sdom gyi thob mtshams sogs la mtha'