[A:32b]dbang kun dga' bsod nams la'o/ ! /gur gyi mgon po'i phyi srung ba'i 'khor lo la brten pa'i rdo rje'i brag rdzong ma'i khrid kyi rim pa bsnyen pa byed tshul gyi bar rgyas shing zhib par stsal nas/ de dag gi nang gses kyi man ngag phran tshegs skor la/ sngags pa nang rgyas kyi man ngag don tshan gsum/ mal phur gyi gdams pa/ e ka dza ti la brten pa'i rims bsrung ba/ rmi ngan bzlog pa'i zhal shes/ mgon po'i tshe sgrub dang bcas pa/ slar de'i rjes su nang gi brag rdzong ma drag po sngags bkod kyi gdams pa/ gsang ba'i brag rdzong ma sems nyid ye shes kyi rtsal 'don/ rnam rtog bzhi dang bdud bzhi tshar bcad de tshe 'di nyid la phyag rgya chen po mchog gi dngos grub thob pa'i thabs khyad par can rnams nyams khrid du nos nas/ yang gur gyi mgon po'i nang khrid thun mong ba yar klung pa seng ge rgyal mtshan gyi khrid yig gi steng nas dmigs khrid lung dang bcas pa dang / nang khrid thun mong ma yin pa rje tshar chen gyi gsung la mkhyen brtse bas zin bris btab pa'i yi ge dang / mkhan chen thams cad mkhyen pa nyid kyi gsung rab kyi steng nas nyams khrid smin rgyas su thob nas/ de dag gi rgyab chos lung gi skor la/ bdag chen rdo rje 'chang gis bsgrigs pa'i mgon pod me 'bar ma'i nang gi nang sgrub gsang sgrub kyi rten gzhi'i yi ge ma tshang ba med pa'i lung dang / dus phyis rje tshar chen chos kyi rgyal pos bsgrigs par mdzad pa'i gur gyi mgon po'i snyan brgyud glegs bam/ kha skong glegs bam/ gyi ljags glegs bam rnams yongs rdzogs thob pa'i/ thog mar snyan brgyud glegs