[A:39a]bzlog pa'i yi ge rdo rje'i tshig tu sbas te gsungs pa'i man ngag brgyad ni/ dregs byed rnon po'i man ngag bgegs 'joms pa/ char dbab pa/ char bcad pa/ yi dwags bskrad pa/ phyag rgya 'gugs pa/ rgyal po la sogs pa dbang du bya ba/ rigs sngags dang rbod gtong bzlog pa'i man ngag ste brgyad do/ /paN chen byams pa gling pas mdzad pa'i mgon po'i las byang 'phrin las phun tshogs ma'i lung dang bcas thob pa'i/ de ltar gong du bkod pa'i mgon po'i khrid rnams dang / snyan brgyud dang kha skong glegs bam gyi man ngag rnams kyi brgyud pa ni/ gong gi lha brgyad sogs kyi rjes gnang gi brgyud pa rnams dang 'dra la/ mgon pod gyi ljang lugs kyi brgyud pa ni/ rdo rje 'chang / slob dpon bram ze mchog sred/ slob dpon la li ta badzra/ grub chen nag po ro 'dzin/ lo tsA ba gyi ljang dbu dkar ba/ tshar dgu ston pa/ gru ston/ dge bshes dbugs/ sa skya dge slong dharmA gzi brjid/ nyi thog pa sngags 'chang kun dga' zla ba/ mdar mkhan po blo gros rgyal mtshan/ mkhan chen seng ge dpal ba/ pha chos rje brag thog pa bsod nams bzang po/ thams cad mkhyen pa rdo rje gdan pa kun dga' rnam rgyal/ thugs sras kun dga' rgyal po/ 'bras spungs pa drin can tshe dbang bkra shis/ tshar chen blo gsal rgya mtsho/ 'jam dbyangs mkhyen brtse dbang phyug grub mchog bsod nams chos 'phel/ rje dbang phyug rab brtan/ mkhan chen thams cad mkhyen pa ngag dbang chos grags/ des bdag sa skya pa ngag dbang kun dga'