[A:41b]lag bdun ldan gnyis dang / pha chos nor bu'i phreng ba'i rtsa ba byang sems nor bu'i phreng ba dang / pha chos nyi shu rtsa drug las zhus lan gyi dngos gzhi nor bu'i phreng ba la le'u tshan nyer gsum dang / ka ba shAkya dbang phyug gis dbu mdzad pa'i mkhas btsun mang po dang / yon bdag shAka mgon la sogs pa'i skye bo'i tshogs dang bcas pa'i dbus su lha chos bdun ldan gyi 'khor lo bskor ba la 'phros nas chos 'di nan gyis bka' rgyas btab pa la le'u tshan gcig ma 'ongs lung bstan chen mo'i le'u gcig shing pho rta'i lo la bla ma dga' ldan du byon pa'i tshul rnams mgur du bzhengs pa'i 'chi med rdo rje'i glu zhes bya ba le'u gcig ste yongs dril pha chos nyi shu rtsa drug bu chos skor la 'brom rgyal ba'i 'byung gnas kyi skye rabs bstan pa las rngog gis zhus pa'i rngog chos nyi shu dang / khu ston gyis zhus pa'i khu chos gnyis te yongs dril bu chos la le'u tshan nyi shu rtsa gnyis/ de ltar le'u bzhi bcu zhe brgyad la mi the ba'i ngo mtshar ba'i gtam thor bu ba rnams lo tsA ba la sogs pa rje'i sras dam pa rnams kyis zur du gleng ba'i kha bskangs pa'i le'u dang bcas pas glegs bam yongs su rdzogs pa'i lung thob pa las/ de dag gi dbang lung sogs kyi brgyud pa ni/ rgya chen spyod pa'i brgyud pa/ zab mo lta ba'i brgyud pa/ nyams len byin rlabs kyi brgyud pa gsum ni yongs su grags pa ltar yin la/ de rnams nas jo bo rje dpal ldan a ti sha dI paM ka ra shrI dznyA na/ 'brom chos kyi rgyal po rgyal ba'i 'byung gnas/ gsang phu ba rngog legs pa'i shes rab/ mnga' ris pa byang chub sems dpa'