[A:41a]dbang po/ smyug la paN chen ngag dbang grags pa/ lcags thang rab 'byams pa byams pa bsod nams dpal ldan/ mang thos klu sgrub rgya mtsho/ mkhan chen thams cad mkhyen pa ngag dbang chos grags/ des bdag sa skya pa ngag dbang kun dga' bsod nams la'o/ ! /yang bka' gdams thig le bcu drug gi dbang spyan snga rin chen ngag dbang chos grags rgyal mtshan gyi yig cha'i steng nas sbyor dngos rjes gsum cho ga cha lag yongs su rdzogs pa dang / de nas bka' gdams glegs bam yongs rdzogs kyi lung thob pa'i chos sna'i rnam grangs la/ bstan pa rin po che'i lha chos phun sum tshogs pa'i lo rgyus ngo mtshar rmad du byung ba'i dpal 'byor zhes bya ba glegs bam gyi lo rgyus chen po dang / thugs dam rgyal ba yab sras kyi bkod pa phun sum tshogs pa'i gter zhes bya ba dang / lha chos nyams len gyi man ngag thig le chen po'i dbyings su byang chub sems gnyis spel ba zung 'jug nyi zla'i thig le zhes bya ba/ thig le bcu drug gi dbang chog dang khrid yig zung du 'jug pa ste chos tshan gsum po 'di dge ba'i bshes gnyen ston pa nam mkha' rin chen dang / snar thang mkhan po rin chen nyi ma rgyal mtshan pa gnyis kyis mdzad pa dang / glegs bam rang gi ngo bo la dang po sprul pa'i glegs bam gyi bzhugs tshul bzhin la 'brom chos kyi rgyal po nyid kyis logs su nan gyis bstan pa'i bka' rgya chen mo/ yang 'brom gyis mdzad pa'i rang rgyud la bskul ma 'debs pa dad pa'i ljon shing zhes bya ba dang / thun mong ma yin pa'i gsol 'debs yan