[A:132]tshigs rkang gi bsdus don tshang bde nyung gsal gyi gsal byed rin chen phreng ba/ tshul gsum gsal bar byed pa'i rgyan gyi go don nor bu'i phreng mdzes blo gsal mgul pa'i rgyan/ dpal kye rdo rje'i phyi bskyed pa'i rim pa'i sems 'dzin gyi sngon 'gro rnal 'byor bcu'i nyams len ku mu ta'i ze'u 'bru 'byed pa/ dpal kyai rdo rje'i bskyed rdzogs kyi rnam bshad nges don zla ba'i 'od zer rgyas pa/ 'phags pa zhal bcu gcig pa'i snyung gnas kyi cho ga mun pa gsal byed/ dpal ldan lha mo re ma ti'i sgrub thabs gtor chog rjes gnang dang bcas pa/ bkra shis kyi rgya mtsho spel ba'i phyir bkra shis kyi tshigs bcad rnams thob pa'i brgyud pa ni/ rgyal tshab dkon mchog dpal ldan/ shar chen kun dga' bkra shis/ spyan snga chos kyi spyan ldan kun dga' don grub/ des bdag sa skya pa ngag dbang kun dga' bsod nams la'o// //'dir smras pa/ nanda adbhu ta sya gu Na ni dhi/ kun dga' rmad du byung ba'i yon tan gter/ /sarba pa ri siddha rthadharmA swa mi/ don kun yongs su grub pa chos kyi rje/ /yatpaM sa na yA da yu go da la dhe na/ gang khyod rtag tu zhabs zung brtan pa yis/ /shAkya sya bhantu da ya shA sa nA ti/ shAkya'i bstan pa shin tu dar gyur cig /bka' gdams bstan pa'i rtsa lag khyed bsngags pas/ /jo bo yab sras sku mched rnam gsum las/ /bstan 'dzin 'phel ltar bdag la'ang rigs brgyud dang / /chos brgyud 'dzin pa'i slob ma cher 'phel nas/ /kha ba ri yi 'dzin ma'i khyon 'di kun/ /yongs su khyab ste de dang lhan cig tu/ /'gro ba kun la bde skyid dpal 'bar te/ /rdzogs ldan bzhin du yun ring spyod gyur cig /chos kyi rje