[A:136]bus/ /bdag tu 'dzin pa'i dgra bo'i mgo mnan nas/ /de nyid drungs nas 'byin phyir don dam gyi/ /byang sems zab mo'i nyams len 'di ltar bya/ /nga 'o snyam pa'i 'dzin stangs de'i gzung byar/ /gyur pa'i bdag de ming lus sems gsum po/ /gang yin ming ni sngon nas med pas na/ /phyis nas btags pa tsam yin lus 'di ni/ /pha ma'i khu khrag las skyes glo bur ba/ /sems ni skye 'gag med pa nam mkha' dang / /rnam dbyer med pas btsal kyang rnyed mi 'gyur/ /des na ming lus sems gsum bdag min yang / /'khrul pas grib ma 'dre ru bzung ba ltar/ /rang gi nyer len phung po la dmigs nas/ /nga med nga dang bdag med bdag bzung ba/ /kho nar shes nas gang zag bdag 'dzin spangs/ /de bzhin 'khor 'das chos kun rmi lam bzhin/ /sems nyid 'khrul snang tsam yin don la med/ /rmi lam 'khrul pa'i phyir na rmi lam nyid/ /rmi ba po yi sems kyang 'khrul snang ste/ /des na gzung 'dzin so sor ma grub pas/ /gnyis stong sems de'ang gzhi rtsa bral bas na/ /gnyis 'dzin gnyis min la sogs mu bzhi yis/ /stong par shes pas chos kyi bdag 'dzin spangs/ /dgag bya mtha' bzhi ma grub de yi phyir/ /de bzhi bkag pa'i dbus kyang mi rnyed pas/ /myong yang brjod mi shes pa'i blo 'das kyi/ /gnas lugs dbyings la gsal bzhag med par bzhag /sems med sems kyis sems la blta shes na/ /mthong med mthong bas sems kyi don mthong 'gyur/ /sgom med bsgom pa'i tshul du bsgom bskyangs pas/ /grol med grol bas sems