[A:137]nyid grol zhes gsungs/ /de ltar thun mong theg pa'i nyams len rnams/ /shes shing sgom pa'i dpyod ldan skyes bu des/ /dbang gis smin nas dam tshig gzhir bzung ste/ /rdo rje theg pa'i lta sgom spyod la bslab/ /tshul der rgya cher bsgrub tshul mtha' yas kyang / /snying po'i nyams len bya tshul 'di lta ste/ /dben zhing nyams dga'i bsam gtan spyil bu ru/ /chos mthun stan la sgo gsum cha mnyam ste/ /nam yang bslu med dkon mchog rnam bzhi la/ /dad shugs drag pos snying nas skyabs 'gro zhing / /mkha' khyab 'gro la dmigs pa'i snying rje yis/ /bla med byang chub mchog tu sems bskyed bya/ /drin can bla ma spyi bor rtag bsgom la/ /khyed shes khyed mkhyen tshul gyi gsol ba btab/ /mnyam rjes kun tu snang grags rig gsum 'di/ /lha sngags ye shes rol par dran byas la/ /bdag med gnyis kyis stong pa'i rang gi sems/ /rang rig rang gsal gnyug ma'i rang zhal blta/ /bltas pas ma mthong gsal stong 'gag med dang / /rtog med mkha' khyab mkha' yi rdo rjer bzhag /yid la byar med sgom gyi mchog yin par/ /gsungs pas gzung bya dang ni 'dzin byed dang / /bsgom bya sgom byed yod med yin min sogs/ /'phro 'du kun spangs mnyam nyid chen por bzhag /shes pa bying na skyabs 'gro gsol gdab 'bad/ /rgod na thar med 'khor ba'i nyes dmigs bsam/ /yang na rnam rtog thol skyes rbad bcad de/ /bying rgod med par dbyings rig bsres la bzhag /phyogs ris med pa'i rang sems gsal stong gi /