[A:139]yin/ /'di sbyar dge bas rtsa brgyud bla ma rnams/ /dgongs pa chos kyi dbyings su rab rdzogs nas/ /legs byas 'dis mtshon dus gsum dge ba'i mthus/ /bdag gzhan 'gro ba'i sgrib kun byang gyur cig /de la brten nas bdag cag dpon slob rnams/ /tshe mthar phyin cing lus brtas dbang po gsal/ /bstan pa'i bya ba ma lus mthar phyin te/ /sa skya'i chos srid dpal 'byor rgyas byed shog /deng sang dus kyi skal bzang las 'phro can/ /dad brtson shes rab snying rje ldan pa yis/ /bstan pa 'dzin nus gang zag thams cad kyang / /zab rgyas chos kyi 'khor du 'du bar shog /dad pa dman zhing dge ba'i blo gros dman/ /chos la 'jug pa'i skal ba dman rnams kyang / /bdag gi thabs mkhas 'phrin las sna tshogs kyis/ /kun kyang dbang 'dus dge la sbyor bar shog /ma dad mi bsrun bstan dang 'gro la gnod/ /zhi bas mi thul rnams kyang bdag cag gis/ /ma bcol na yang bka' srung dam can gyis/ /tshar bcad rnam shes chos dbyings sgrol bar shog /mdor na bdag dang bdag gi slob bu'i tshogs/ /kun gyi sgo gsum bya ba spyod lam rnams/ /bstan dang 'gro la phan bde'i rgyur gyur nas/ /kun kyang bde skyid dpal la spyod par shog /phyi ma dpon slob lhan cig dag pa'i zhing / /bde ba can du skyes nas rang don rnams/ /mthar phyin gang 'dul sprul pas srid mtha'i bar/ /spyi dang bye brag bstan pa rgyas byed shog /ces chos kyi rje dpal ldan bla ma dam pa rnams las dam pa'i chos ji ltar thos pa'i tshul legs par