[A:30]mong ma yin pa rgyas par stsal te/ de'i man ngag gi cha lag lus kyi rtsa 'khor so so la brten nas las bzhi bsgrub pa'i dmigs pa khyad par can zhal shes kyis brgyan pa dang / yang srung 'khor brag rdzong ma'i man ngag gi nang tshan rnal 'byor ma'i sgos dgra myur du bsgral ba'i las sbyor zab khyad can dang / nang khrid kyi cha lag snying kha chos kyi 'khor lo la brten pa'i dmigs yul zhag bdun la med par byed pa'i man ngag zab mo rnams zhib cing mtha' chod pa nos nas/ de dag dang 'brel ba'i lung gi skor la rje tshar chen gyis bsgrigs pa'i snyan rgyud po ti'i nang nas/ de nyid kyi dkar chag dam pas mdzad pa'i shog ril bcu/ brag rdzong ma'i khrid yig rdo ring pas mdzad pa/ kha skong po ti'i dkar chag brag rdzong ma'i mngon rtogs/ gtor bsngo rgyas 'bring gnyis/ brgyud 'debs rnam kun ma/ dri ba lhag bsam rab dkar tshar chen gyis mdzad pa/ mgon po'i chog bsgrigs/ ser ba bsrung 'bebs kyi man ngag dug gi rlung chen nag po/ gtor ma gsum gyi rnam bshad/ ru mtshon 'dzugs thabs/ gzungs 'dzugs thabs/ las mgon gyi bskang gso las bzhi lhun grub/ bstod bskul 'og min bde chen ma rnams tshar chen gyis mdzad pa/ bdag chen rdo rje 'chang gis mdzad pa'i nag po chen po'i mdos bskang / rje btsun rdo ring pas mdzad pa'i ser ba srung ba'i man ngag tshar chen gyis mdzad pa'i nag po chen po'i gtor bzlog gi cho ga dgra bgegs kyi stobs 'phrog rol pa/ nag po chen po'i char dbab pa'i man ngag gsang ba thun mong ma yin pa'i zab pa'i gnad kyi