[A:60]thams cad gcig tu dril nas ma tshang bar med par bkod pa kun mkhyen gnyis pa bu ston chos rje dang / chos kyi rgyal po phyogs las rnam rgyal bas mdzad pa'i thog mtha' bar dge'i khrid yig so so dang / jo nang phyogs las pas mdzad pa'i ngo sprod gsang don rab gsal/ zhwa lu mkhyen rab chos rjes mdzad pa'i sbyor drug nyams su len tshul gyi yi ge lo chen 'gyur med bde chen gyis mdzad pa'i sbyor drug gi khrid yig chen mo dang po'i sangs rgyas 'char ba/ chag lo chos kyi rgyal pos mdzad pa'i dus 'khor chos 'byung chen mo dpag bsam gyi snye ma/ dus 'khor gyi bla ma brgyud pa'i gsol 'debs gsar rnying mang po'i lung sogs thos shing / gong du smos pa'i brgyud pa de rnams kyang thog mar dge ba bi bhu ti nas brgyud pa dang / bar du dge ba paN chen shAkya shrI nas brgyud pa dang / tha mar dge ba chos rgyal rigs ldan sogs nas rim par brgyud pa gtso che ba yin gsungs/ mchog gi dang po'i sangs rgyas kyi 'khor lo'i rgyud 'grel chen po gshong 'gyur la/ lo tsA ba blo gros rnam gnyis kyis bcos pa'i steng nas bshad bka' thob pa'i brgyud pa'ang gong rwa 'bro gnyis kyi dbang gi rtsa ba'i brgyud pa dang 'dra ba las/ kho bos thob pa 'di ni rigs ldan chen po nas/ shang ston kun dga' dpal ldan/ lo tsA ba nam mkha' dpal bzang / paN chen shes rab bkra shis/ rje btsun byams pa shAka 'od/ thugs sras chos dar grags 'phel/ lo chen 'gyur med bde chen nas brgyud pa de/ gtso che ba'o/ /yang gong gi yig cha de dag lung gi brgyud pa lugs gzhan ni/ lo chen