[A:63a]ba med pa'i sha kho na yin pas khyab ste/ bde mchog stod 'grel las/ da ni 'jig rten pa'i dngos grub bsgrub pa'i phyir pho nya mo'i kun tu spyod pa dang / 'khor lo 'dus pa la bdud rtsi ril bu dang / g.yul du mtshon gyis bsad pa kha na ma tho ba dang bral ba'am/ nad kyis shi ba'am/ las ngan pas bsad pa yang ste/ go ku da ha na la sogs pa rnams dang / nye bar spyod pa lnga la sogs pa rnams kyis pho nya mo rnams mchod pa'i cho ga phyi rol dang nang du gsungs te/ khyad par dus la zhes pa la sogs pas so zhes dang / yang dus 'khor 'grel chen las/ rgyu gang gis phyir mtshan ma dang kha na ma tho ba dang bcas pas srog gcod par gyur pa rgyud de'i phyir rnal 'byor pa rnams kyi mtshan ma med pa dang / kha na ma tho ba med pa go ku la sogs pa bza' bar bcom ldan 'das kyis gsungs so/ /'dir yul gang na 'jig rten pa rnams kyis gang bza' ba ma yin pa dang / gang btsong ba ma yin pa go ku la sogs pa rang gi las kyis shi ba dang / g.yul du las ngan pa'am/ rang gi skyon gyis chom rkun la sogs pas bsad pa de rnams rnal 'byor pas bza' bar de bzhin gshegs pas gsungs so/ /rdzas kyi nyos pa ni ma yin zhing pha mes la sogs pa dang mchod sbyin la sogs pa'i bya ba la bsad pa yang ma yin te/ mtshan ma dang bcas pa'i sha bza'o zhes pa ni de bzhin gshegs pas ma gsungs so/ /zhes dang / gsang 'dus rtsa rgyud las/ sha chen dam tshig mchog gi ni/ zhes sogs kyis 'grel chen sgron gsal las/ sha chen zhes bya ba la